فلسطيني وافتخر

فلسطيني وافتخر

قالولك اسكت ما تحكيش

انت خلقت للتلطيش

للحواجز للمعابر للتفتيش

كتبوا علي جبينك ينداس

من الضابط للشاويش

فلسطيني قالولك ممنوع تعيش

فلسطيني ممنوع تثور

و مش مسموح تكون مقهور


اياك تطالب بحقك


اوعك بيوم تشوف النور

***

ممنوع تجدد هويه


ممنوع تجدد بسبور


فلسطيني و بدك تعلم

هاي الشغله ضد الدستور

فلسطيني لازم تتألم


من دون ما يشوفك دكتور

فلسطيني ممنوع تتظلم

و لا يطلع بجناحك ريش

فلسطيني ممنوع تعيش

***



فلسطيني بكل المطارات

اسمك بالاحمر مكتوب

و على شباك مصلحه الجوازات

كتبوا علي جبينك مطلوب

لازم تتوقف ساعات


مذنب او مندون ذنوب

و يتوجه الك اتهامات

انك سبب كل الحروب

كأنو بسببك الحق مات

و العدل بارضك مسلوب

و كأنك سبب النكسات

و كل ازمات الشعوب

و كأنو بسببك مجرم فات

على جنين بلحظه الغروب

و ذبح صبيان و بنات

و عجز على امرها مغلوب

***
مع انو الحقيقه

انا الي بالدنيا ضحيه

عملتوني ماده للغنى

و قضية للي ما عندو قضيه

انا الي راسي ما إنحنى

بوجه الريح القويه

انا الي شعبي صمد

في الضفه و بالرشيديه

انا الي شعبي انتفض

و بحجر حارب دوريه

و اليوم و بكره و للابد


عنا كلمه وحده هي

احنا فلسطينيه مش ارهابيه

مشكورررررررررررررر اخ الزعيم يسلمو ايديك

حياك الله يسلمو على المرور الطيب

يسلمو دياتك يا زعيم كلمات رائعة فيوطننا فلسطين

يسلمو على الرد الاكثر من رائع يا مرهف الاحساس مشكور والله تقبل مروري